KOLO

ARAHABA TRATRY NY TAONA 2012

2012-01-05T21:23:00.002+01:00

Fanintelony izao no itondrako ny fiarahabana sy ny firarian-tsoa avy amin’ny fikambanana KOLO . « ARAHABA TRATRY NY TAONA VAOVAO ! ».

Teny firarian-tsoa tsy misy hambahamba izay noheveriko hatrany fa mifono hasina no atolotro anao.

Ny taona 2012 dia mifanandrify amin’ny fahafolo taonan’ny fikambanana KOLO. Taona izay hatokanay Hitiavana ny teny malagasy sy ny tanindrazana.

Hataonay hanentanana ny fitiavana ny teny malagasy sy ny fiarovana ny kolontsaina.

Tiavo ny tenindrazantsika, arovy ny tsiaron’ireo olomanga malagasy mpanoratra sy poety : JJ Rabearivelo, Ny Avana Ramanantoanina, Jean Verdi Salomon Razakandrainy (DOX), Edmond Randriamananjara (Randza Zanamihoatra), Jasmina Ratsimiseta, Alphonse Ravoajanahary, Jean Narivony, Samuel Ratany, Georges Andriamanantena (Rado) …

Tokony ho anton’ny maha-Malagasy sy reharehantsika miaraka ny fampiasana sy ny fitianavana ny tenintsika.

Tsapanay fa tsy mora ny manatanteraka izany raha tsy misy ny fandraisanareo rehetra anjara.

Raha ny teny malagasy no tsy misy tavela intsony dia ny maha –Malagasy antsika no fongotra tanteraka eto an-tany.

« Tiavo ny teninao tahaka ny tenanao. Izay tia ny tenindrazany dia tia ny tanindrazany ».

Toa izao àry ny fotoananareo amin’ny KOLO amin’ity taona 2012 ity :

24/05/2012 ka hatramin’ny 31/05/2012 : manasana anareo namana ao amin’ny facebook hiaraka hankalaza aminay ny andiany faharoan' ny “Herinandron’ny teny malagasy ao amin’ny facebook”. Raha sitrakareo dia hataontsika rehetra zanak’I Madagasikara aty andafy ho andiany voalohany amin'ny herinandron’ny teny malagasy aty ampitandranomasina io vaninandro io!
Paska : Faly mandray anareo any amin’ny RNS ny fikambanana kolo.
16 jiona 2012 : Andiany faha-10 amin'ny fifaninanana soratononina.
Sy ireo hetsika izay mbola ho sahaninay hatramin’ny faran’ny taona.

Mirary taona vaovao 2012 sambatra ho antsika rehetra!

Avy amin’ny biraon’ ny fikambanana KOLO!

Mamy ANDRIANARIVONY

C’est la troisième fois que je me livre au même exercice : celui qui consiste à vous présenter les vœux de l’association KOLO. « BONNE ANNEE !».

Ce message annuel est pour moi rempli de sens et c'est toujours avec la même spontanéité que ces vœux vous sont adressés.

2012 coïncide avec le 10e anniversaire de l'association KOLO. Nous la plaçons sous le signe de l'Amour de notre langue et de notre Patrie.

Nous voulons la faire, pour notre action, l’année de mobilisation pour la sauvegarde de notre langue et la protection notre culture.

Aimons notre langue, sauvegardons la mémoire de nos grands écrivains et poètes : JJ Rabearivelo, Ny Avana Ramanantoanina, Jean Verdi Salomon Razakandrainy (DOX), Edmond Randriamananjara (Randza Zanamihoatra), Jasmina Ratsimiseta, Alphonse Ravoajanahary, Jean Narivony, Samuel Ratany, Georges Andriamanantena (Rado) …

Pratiquer le MALAGASY doit être pour nous un réel motif d’identité et de fierté collective.

Certes, c’est une action ambitieuse mais nous comptons sur la participation de tous.

Une langue qui disparaît c'est également une culture qui s'éteint à tout jamais de la surface de la terre.

« Tiavo ny teninao tahaka ny tenanao. Izay tia ny tenindrazany dia tia ny tanindrazany ».

Vos rendez-vous avec KOLO :

Du 24/05/2011 au 31/05/2011: Nous vous invitons à participer à la 2éme édition de la Semaine de la langue Malgache sur Facebook et peut-être notre première édition de la Semaine de la langue Malgache de tous les diasporas, si vous le voulez-vous bien !
Week-end de Pâques : KOLO participera à la Rencontre Nationale Sportive (RNS)
Le 16 Juin 2012: 10ème édition du concours de dictée Malagasy.
Et d’autres événements suivront jusqu’à la fin de cette année.

Belle année 2012 à tous!

De la part du bureau de l'association KOLO.

Mamy ANDRIANARIVONY

MIRARY KRISMASY SY FETY SAMBATRA!

2011-12-22T21:49:00.002+01:00

Valin'ny fifaninanana "Soratonon'2011"

2011-11-06T22:15:00.001+01:00

Sokajy voalohany (Miteny, mamaky ary manoratra ny teny malagasy tsotra):

1- RAKOTOZAFY Holisoa
2- ANDRIANARIVONY Andy
3- RATSIMBA Ando Stéphanie
4- RAZAFINDRAZAKA Jenner

Sokajy faharoa (Nianatra na mianatra ny teny malagasy toy ny teny vahiny):

1- RAKOTOZAFY Samuel
2– RABAKOVOLOLONA Marie Laurence
3– RAKOTOMALALA Gisèle
4– ROBERT Yvette

Sokajy fahatelo (Ankizy latsakin'ny 13 taona):

1- RALALASON Ashley
2– FRANCOIS René
2ex– RAMIHAJAMALALA Vola
2ex– RAZAFINDRAZAKA Malala
5– RABEZATOVO Sandra
6– RABEZATOVO Christelle

Fifaninanana Soratononina 2011

2011-10-24T22:11:00.003+02:00

"Tiavo ny teninao tahaka ny tenanao! Izay tia ny teniny dia tia ny tanindrazany!"

Fisoratana anarana : http://goo.gl/YaVtd

LAHATSORATRA SORATONONINA RNS 2011 – 23 – 25 APRILY – MULHOUSE

2011-04-25T19:12:00.003+02:00

Nosy mena sa Nosy maitso ?

Rakotra ala matevina ny nosintsika fahizay ary ny mpanjaka Radama voalohany, tamin'ny androny, dia nihevitra fa ny ala no miaro azy amin'ny fananihan'ny miaramila vazaha, ka tsy nokasihiny sy nohajainy fatratra iny ala atsinanana iny.

Tsy ho voatanisa ny tombon-tsoa entin'ny ala ho antsika.
Anaovana trano sy fanaka ny vatan-kazo, atao kitay, akana arina, sy ny sisa. Ny raviny, ny fotony, ny voany, ny hodiny dia ahazoana fanafody toy ny rambiazina izay anaovana tambavy na dorana atao evoka, toy ny boreda izay antsoin'ny Sihanaka amin'ny anarana gaboroda ary fantatry ny Betsileo amin'ny anarana hoe : “tsipokipoky” na “tsitsipoky”, hoy ny Antaifasy, izay fanalana afotsy ary nitsaboan'ny Ntaolo ny aretin-tsohika ; ny ambiatibe izay ampitoniana ny aretim-bavony ary koa mampikombona haingana ny fery ny rano azo amin'ny raviny rehefa voatoto; na ny tsikafonkafona manenika ny farihintsika aza dia manana ny filàna azy fa
enti-mamono voalavo afangaro amin'ny totom-boangahazo ; ny rotra nampiasain'ny Ntaolo nitsabo ny diabeta. Tsy ny zava-maniry ihany no maha-sarobidy ny ala fa ireo biby maro samihafa monina ao aminy koa izay tsy fahita any an-toeran-kafa.

Tena mitondra faisana amin'ny fanimbana ny ala itoerany sy ny fivarotana azy any am-pita ireo karazana gidro toy ny babakoto, ny aiay, fa koa ny bibilava (menarana, do, ny menapitsaka), ny voay voaripaka hanaovana kiraro na pôketra. Ny vorona endriky ny ala, toy ny fandimbiala, ny fitatrala, ny vanga, dia voafandrika na voatifitifi-poana fa tsy misy fanaraha-maso ny fihazàna azy.

Lahatsoratra Soratononina RNS 2011 Kolo, Havatsa, Inalco, Hetsika Nantes, CEN - RNS

Teny famaranana ny "Herinandron'ny Teny malagasy tao @ FB" natolotry ny Pr. Irène RABENORO

2011-04-04T20:31:00.004+02:00

Antananarivo, 4 Avrily 2011

Miandrandra ny “Herinandron’ny Teny Malagasy” manaraka !

Tontosa soa aman-tsara ny “Herinandron’ny Teny Malagasy” nokarakarain’ny fikambanana KOLO.

Ny “Herinandron’ny Teny Malagasy” karakarain’ny Foibe momba ny Teny an’ny Akademia Malagasy aty an-tanindrazana no nahazatra, fa hafa kely kosa ity hetsika nokarakarain’ny fikambanana KOLO any Frantsa ity : ny «Facebook» tokoa mantsy no nampiasainy ankalazana azy, ary ireo rehetra mankafy ny teny malagasy na liana ny hahalala bebe kokoa momba azy no nandray anjara tamin’izany.

Mifanojo amin’ny lohahevitry ny Andro iraisam-pirenena momba ny tenin-dreny, izay ankalazaina isaky ny 21 Febroary araka ny fanapahan-kevitry ny UNESCO tamin’ny 1999, ny fomba nanantanterahan’ny KOLO ny “Herinandron’ny Teny Malagasy” tamin’ity taona 2011 ity. Toy izao tokoa mantsy izany lohahevitra izany : “Les technologies de l’information et de la communication pour la sauvegarde et la promotion des langues et de la diversité linguistique. »

Koa arahabaina indrindra ny fikambanana KOLO tarihin’Andriamatoa Mamy Andrianarivony nahita an’io hevitra io. Tsy zoviana amin’ny maro ao Frantsa ny Fifaninana Soratononina karakarain’io fikambanana io, ary mahafaly ny mahita ny fanitaran’ny KOLO ny hetsika momba ny teny malagasy. Arahabaina ihany koa ireo olona maro be izay nisantatra ny fandraisana anjara tamin’ity “Herinandron’ny Teny Malagasy” ity.

Fa etsy ange e !

“Nampitondraiko ny zokinao ilay boky adinonao taty amiko iny” : mba ahoana hono no ilazana an’izany “nampitondraiko” sy “ny zokinao” izany amin’ny teny frantsay ?
“Mpikambana mahefa” no filaza ny “membre titulaire” ao amin’ny Akademia Malagasy. Dia “Profesora mahefa” ve no ilazana ny “Professeur titulaire” amin’ny Oniversite ?
“Lasa any Bealanana hono ry zareo” : “Lasa any amin’ny be fasika ao avarabaratra ao hoe?”.

“Alangan” tokoa mantsy no filaza ny fasika ampitan’ny vinany amin’ny teny maley. Ny teny malagasy tokoa no mampiray ny Malagasy, sy ireo havany amin’ny nosy manodidina toa an’i Mayotte.

Fanirian’ny fikambanana KOLO hatrany am-boalohany ny manamafy ny fifandraisana sy ny fifankahazoan’ny Malagasy, na inona na inona karazana teny malagasy nibeazany. Fanamby izany, ary mino aho fa ho tanteraka satria ao dia ao tokoa ny finiavana. Ary tsy ho haiko ny tsy hahatsiaro eto ny filoha mpanorina ny KOLO, izay nandao an’izao tany fandalovana izao sahady, dia Andriamatoa Jarisoa Rakotoarivelo, izay tena nanana vina momba ny teny sy kolontsaina malagasy eo anivon’ny fanontoloana.

Mahavelom-bolo izao ezaka ataon’ny mpikambana ao amin’ny KOLO hanamafisana orina ny maha Malagasy izao, koa mahaleova mahalasana !

Irène Rabenoro

Masoivohon’i Madagasikara eo anivon’ny UNESCO teo aloha (Mey 2007-Desambra 2010)

Professeur titulaire, Département d’Etudes anglophones

Fakiolte momba ny Haisoratra sy ny Siansa mikasika ny Olombelona - Oniversiten’Antananarivo

Antananarivo, 4 Avril 2011

A la prochaine “Semaine de la Langue malgache” !

La “Semaine de la Langue malgache” organisée par l’association KOLO s’est bien terminée.

Nous étions habitués à la “Semaine de la Langue malgache” organisée par le Centre des Langues de l’Académie Malgache ici au pays. Mais cette manifestation organisée en France par l’association KOLO a ceci de particulier qu’elle s’est déroulée dans « Facebook », et ce sont tous ceux qui aiment la langue malgache ou qui voudraient mieux la connaître qui y ont participé.

La manière dont KOLO a organisé la “Semaine de la Langue malgache” est en rapport avec le thème de la « Journée internationale de la langue maternelle » pour cette année 2011. Suivant la décision prise par l’UNESCO en 1999, c’est le 21 février qu’est célébrée cette Journée. En voici en effet le thème : “Les technologies de l’information et de la communication pour la sauvegarde et la promotion des langues et de la diversité linguistique. »

Je tiens à féliciter l’association KOLO, présidée par Monsieur Mamy Andrianarivony, pour cette initiative. Le concours de dictée malgache organisé par l’association est désormais bien connu en France, et nous ne pouvons que nous réjouir de l’extension des activités de KOLO en matière de langue malgache. Nos félicitations s’adressent également à ceux, nombreux, qui ont inauguré cette “Semaine de la Langue malgache” en y participant.

Quelques petites réflexions :

“Nampitondraiko ny zokinao ilay boky adinonao taty amiko iny” : comment dire “nampitondraiko” et “ny zokinao” en français ?
“Mpikambana mahefa” est la formule adoptée pour les “membres titulaires” de l’Académie Malgache. Dirions-nous aussi “Profesora mahefa” pour “Professeur titulaire” des universités ?
“Lasa any Bealanana hono ry zareo” : “Lasa any amin’ny be fasika ao avarabaratra ao hoe?”.

“Alangan” est en effet le mot malais qui sert à designer le sable à l’embouchure des rivières. La langue malgache est bien le facteur qui unit les Malgaches, ainsi que leurs cousins des îles voisines telle que Mayotte.

Dès le départ, l’association KOLO a souhaité renforcer les relations et l’amitié entre les Malgaches, quelle que soit leur variété de la langue malgache. Il s’agit là d’un défi, mais je suis certaine qu’elle y parviendra puisque volonté il y a. Je ne saurais ne pas saluer la mémoire de Monsieur Jarisoa Rakotoarivelo, qui nous a quittés trop tôt, et qui avait une véritable vision de la langue et de la culture malgache dans le contexte de la mondialisation.

Les activités menées par KOLO pour renforcer l’identité malgache sont prometteuses, et nous tenons à lui souhaiter plein succès.

Irène Rabenoro

Ancien Ambassadeur de Madagascar auprès de l’UNESCO (mai 2007-décembre 2010)

Professeur titulaire, Département d’Etudes anglophones

Faculté des Lettres et Sciences humaines – Université d’Antananarivo

J-15 : Herinandron'ny teny Malagasy eto @Facebook. Semaine de la langue Malgache @FB

2011-03-13T22:02:00.003+01:00

Efa 3688 sahady isika no vonona handray anjara amin'ny herinandron'ny teny Malagasy eto amin'ny Facebook.
Fotoan-dehibe ho an'ireo mpankafy teny Malagasy na koa ho an'ireo rehetra tia an'i Madagasikara :

Hanehony:
- ny fitahirizany ny teny Malagasy
- ny firaisan-kiny amin'ireo olona miteny malagasy toa azy.Ny teny no anisan'ny fototra iombonanan'ny Malagasy: "Gasy isika satria miteny Gasy".

Hifampizarany amin'ny olona rehetra, na kalaza, na izay tsy mampiasa matetika na ireo izay tsy miteny:
- ny fahaizany sy ny fahalalany ny haren'ny teny Malagasy.

Hanamafisany:
- ny toeran'ny teny Malagasy eto amin'ny serasera Facebook.

Toy izao àry no fomba ankalazantsika izany : http://on.fb.me/e8IXWV

Mazotoa e!
Kolo

Nous sommes déjà 3688 à vouloir célebrer la Semaine de la langue Malgache sur Facebook.
Les amoureux de la langue Malgache mais aussi ceux qui ont un lien unique et fort avec Madagascar célèbreront cet événement en:
- manifestant leur attachement à la langue Malgache.
- présentant la richesse et la diversité de cette langue.

C'est aussi une occasion:
- de renforcer l'usage du Malgache dans les relations sur Facebook.
- d'affirmer le rôle que le Malgache joue dans notre sentiment d'appartenance à une communauté.
- de partager la connaissance et la richesse de cette langue avec tous ceux qui maitrisent, ou se sont éloignés d'une pratique régulière ou ceux qui ne parlent pas.

Plusieurs manières de fêter la Semaine de la langue Malgache: http://on.fb.me/e8IXWV

Amicalement,
Kolo.

Herinandron'ny teny Malagasy ao @ facebook

2011-01-08T16:34:00.004+01:00

ARAHABA TRATRY NY TAONA 2011!

2011-01-04T10:31:00.005+01:00

Amin’izao fiandohan’ny taona 2011 izao, dia mbola faly miarahaba sy mandray anareo tonga soa eto amin’ity sehatry ny fikambanana KOLO ity ny tenako.Hoy ny fitenenana hoe “Izay mahavangivangy hono tian-kavana …”.

Mbola mahatsiaro ihany koa an’i Jarisoa Rakotoarivelo ny tenako ! Izy no niaraka nanorina tamiko ity fikambanana ity tamin’ny taona 2002. Isika izay nahalala azy dia nahatsapa tokoa ny firijarijany sy ny hafanam-pony teo amin’ny fampiroboroboana ny teny sy ny kolontsaina malagasy. Mino aho fa miara-dia amintsika lalandava izy.

Faniriana tokana ihany ho amin’ity taona vaovao ity : Aoka ny teny malagasy hanakoako amin’ny sofintsika, ary koa ho teny ifaneraserantsika. Fomba iray ihany koa izay hanehoana ny maha- malagasy ahy sy ianao.

BONNE ANNEE A TOUS !

En ce début d’année 2011, je vous renouvelle mes souhaits de bienvenue, en cet espace facebook de l’association KOLO et vous remercie pour votre amitié et fidélité.

Encore une fois, j’ai une pensée émue pour Jarisoa Rakotoarivelo avec qui j’ai eu l’honneur de créer cette association en juin 2002. Tous ceux qui le connaissent, se souviennent de son charisme et de son engouement pour la promotion de la langue et de la culture malgache. Il restera toujours présent à nos côtés.

Si j’avais un vœu, un seul à formuler, alors ce serait que la langue malgache soit utilisée dans la mesure du possible et résonne aux oreilles de chacun. Ce serait une formidable manière de vivre pleinement notre culture et d’affirmer notre identité.

Mamy ANDRIANARIVONY (Filohan'ny fikambanana KOLO)

Valin'ny fifaninanana soratononina "Soratonon'2010"

2010-09-26T17:50:00.002+02:00

SOKAJY VOALOAHANY :

1- RANAIVOSOA Cynthia
2- RAKOTOMALALA Norolalaina
3- RALAISOA Hanta
4- RAKOTOZAFY Holisoa
5- RABE Valisoa
6- RANDREZASON Malalasoa Volatiana
7- ANDRIAMANANTENA Tokinirina

SOKAJY FAHAROA :

1- RAZAFINDRAZAKA Maholy
2- RAZAFINDRAZAKA Mamihaja
3- RAZAFINDRAZAKA Malala

Fandaharam-potoana sy ny toerana : Soratonon'2010 - 25/09/2010

2010-09-23T19:17:00.005+02:00

Fandaharam-potoana :

14h00 : Fandraisana ny mpifaninana

14h30 : Teny fanokafana sy fanolorana ny komity mpitsara

Fampatsiahivana ny fepetra mifehy ny soratononina

14h45 (Tsy diso) : Adina Sokajy voalohany sy faharoa

15h45 : Fitsarana ny taratasim-panadinana

16h20 : Fifantenana ny nahazo ny loka

16h45 : Fanazavana ny “Fitafy netim-paharazana

17h00 : Fizarana loka

Teny famaranana

Toerana :

Amphithéâtre G2

Faculté de chirurgie dentaire
1, rue Maurice Arnoux
92 120 Montrouge

Ny fifamoivoizana avy ao amin’ny porte d’orléans :

BUS RATP : 194 - 295 : Arrêt DEPINOY na Tramway T3 : Arrêt Jean Moulin

Loka amin'ny Soratonon'2010®

2010-09-21T23:23:00.006+02:00

Loka atolotry ny masoivoho Malagasy eo anivon'ny UNESCO
Hosodoko atolotr'i HAZAVANA
Loka atolotry ny CEROI INALCO
Pc portable atolotry ny orin'asa SCOPUX
Loka atolotry ny orin'asa Makassar Tours
Loka atolotry ny orin'asa Laterit Production
Loka atolotry ny orin'asa Kanto sy Soa
Loka atolotr'i Echo du Capricorne
Loka atolotry ny Restaurant AS de Madagascar
Loka atolotry ny Restaurant Les Lémuriens
Loka atolotry ny Restaurant Au goût de Madagascar
Lota atolotr'i Fx Mahah (poety sy mpanoratra)
Loka atolotr'i Aina Randrianaivosoa (poety sy mpanoratra)
Loka atolotr’i Raozigasy (poety sy mpanoratra)
Loka atolotry ny orin’asa worlddesign.fr
Loka atolotry ny fikambanana HAVATSA-UPEM
Loka atolotry ny fikambanana KOLO
...

Fisaorana lehibe no atolotry ny fikambanana ho an'ireo nanome ny loka.

KOMITY MPITSARA ny Soratonon'2010

2010-09-18T14:29:00.003+02:00

M. le Pr Narivelo RAJAONARIMANANA : Linguiste, spécialiste de la langue malgache à l'Institut national des langues et civilisations orientales (Inalco), à Paris

Mme Solotiana NIRHY-LANTO RAMAMONJISOA : Maître de Conférences, Inalco

Mme Rivo Lalao RAMAHEFARIVO : Enseignante à l'Inalco

M. Abel ANDRIARIMALALA : Enseignant retraité, Écrivain et Poète

M. François Xavier RAZAFIMAHATRATRA : Ecrivain, Poète et Président de l'association des poètes « HAVATSA UPEM France »

M. J. Andrianaivo RAVELONA : Peintre

Mlle Aina RANDRIANAIVOSOA : Ecrivaine Poète

Loha hevitra S2010 : Fitafiana nentim-paharazana Malagasy

2010-09-07T21:53:00.006+02:00

Ny « Fitafiana nentim-paharazana Malagasy » no loha hevitry ny lahatsoratra amin'ity fahavalon'ny fifaninanana ny soratononina « Soratonon'2010 » ity, izay hatao amin'ny faha-25 septambra amin'ny roa tolakandro ho avy izao ao amin'ny Faculté de Chirurgie Dentaire – 1, rue Maurice Arnoux – 92120 Montrouge.
Ny lamba no fototra tokan' ny fitafy malagasy, ny endriny kosa dia miovaova manara-penitry ny fomban'ny toerana sy ny foko misalotra azy. Ny lamba dia anisan'ireo singam-pototra iombonana amin'ny maha-malagasy.
Ny tanjon'ny soratononina dia fanamafisana, fandalinana ary fampitomboana ny fahalalana ny teny malagasy amin'ny alalan'ny lohahevitra.
Koa manainga antsika ho tonga maro handray anjara amin'ity hetsika ity mba ho vavolombelon'ny fitiavana ny Teny Malagasy.

Anisan'ny loka ho zaraina ho an'ny voalohany amin'ny sokajy voalohany : "Ordinateur portable" vaovao mitentina 450 euros.

Le 25 septembre 2010 à 14h00, à la Faculté de Chirurgie Dentaire – 1, rue Maurice Arnoux – 92120 Montrouge, se tiendra la 8ème édition de l’épreuve de dictée Malgache « Soratonon’2010 », placée cette année sous le thème «Les tenues traditionnelles Malgaches ».

Il n'y a pas une seule tenue traditionnelle Malgache, il y en a plusieurs dont le lamba est la composition principale.
Le lamba se porte différemment selon la région et l'ethnie, il est un des dénominateurs communs des composants de l' Identité Malgache.
Depuis ses débuts, le principal objectif de Soratononina est de renforcer, d'approfondir et d'enrichir notre connaissance de la langue malgache à travers un thème.
Dans ce but bien attendu, nous vous invitons à participer massivement à cet événement pour un grand témoignage d'amour envers la culture et la langue malgache.

Parmi les prix distrubués au lauréat de S2010 catégorie 1 : un PC portable compaq d'une valeur de 450 euros.

FITSIPIKA MIFEHY NY FIFANINANANA SORATONONINA

2010-09-02T20:02:00.003+02:00

Ny mpifaninana

Misokatra ho an’ny rehetra ny fifaninanana.
Tsy afaka mandray anjara ny Komity Mpitsara sy ny mpikarakara.

Sokajiana ho roa ny mpifaninana :

Sokajy voalohany : Ireo izay miteny, mamaky ary manoratra ny teny Malagasy tsotra

Sokajy faharoa : Ireo izay nianatra na mianatra ny teny Malagasy toy ny teny vahiny

Ny fifaninanana

Ireo telo mendrika indrindra isaky ny sokajy no mahazo loka.

Ny komity mpitsara

Ny komity mpitsara dia tsy voafetra ny isany ary tarihin'ny mpampianatra na mpikaroka na mpanoratra ny teny Malagasy :

Masi-mandidy ny komity mpitsara,
Tsy iadian-kevitra ny fanapahany eo amin’ny votoatin’ny lalao, ny fizotry ny lalao ary ny endrika isehoany,
Manapaka eo amin’ny tranga mampisalasala,
Mamoana, manova na manohy ny fifaninanana,
Mampiato na mampilalao mpifaninana izy,
Manondro ny mpandresy, ary mamaha ny olana ara-pitenenana rehetra mety mitranga.

Tsipelina sy fitsipi-pitenenana

Ny teny azo ekena dia izay manaraka ny tsipelina asehon’ny :

« Rakibolana malagasy » nosoratan-dRajemisa -Raolison, Edisiona Ambozontany

« Rakibolana ho an'ny ankizy »nosoratan'Atoa Narivelo Rajaonarimanana (Edisiona IDAC sy Zénu francophone, 2010)

Ampiharina amin’izany ny tsindrim-peo sy tsipi-panohizana manaraka ny fitsipi-pitenenana.

Ny fitsipi-pitenenana dia araka ny :

« Grammaire moderne de la langue malgache » nosoratan’Atoa Narivelo Rajaonarimanana (Edisiona Asiathèque).

« Fitsipipitenenana ho an'ny rehetra » noratan'i Atoa Danielson Andrianarivony (Edisiona Salohy)

Fepetra samihafa

Isaky ny fifaninanana dia fomba fitsara tokana ihany no hisedrana ny mpifaninana rehetra.
Raha misy laharana mitovy dia hisy fifaninanana fanampiny.
Ny ranomainty mainty na manga no ampiasain’ny mpifaninana amin’ny soratra.
Ny ranomainty mena dia entina mitsara ny asa soratra.
Ny kosokosoka amin'ny teny dia anisan'ny diso fanoratra.
Raha misy teny miverina ao amin'ny lahatsoratra ka diso ny fanoratan'ny mpifaninana azy dia kaotiana diso iray ihany.
Eo an-toerana ihany no hitsarana ny asa soratra rehetra.
Ny komity mpitsara no handrindra sy hanara-maso izany.
Androtr’io ihany koa dia avoaka ny valim-pifaninana rehetra.
Tsy misy boky azo ampidirana ao amin’ny efitrano fifaninanana na ara-pitsipi-pitenenana na rakibolana.
Ny fikendrena hanao hosoka na fiaraha-miasa amin’ny mpifaninana hafa dia hahatonga ny Komity mpitsara hampiato ny mpifaninana sy ireo manaiky hiara-miasa aminy.
Takelaka taratasy avy amin’ny mpikarakara ihany no azo ampiasaina.
Ny takelaka ho tsaraina dia tokony ho azo vakina ary tsy misy hosokosoka hafahafa.
Tsy misy tokony hamantarana ny mpifaninana eo amin’ny fitsarana.

Ireo izay mandray anjara amin’ny soratononina dia manaiky avy hatrany ny hampihatra feno ity fitsipika ity sy ny fanapahan-kevitry ny Komity Mpitsara.

Fikambanana KOLO

Fifaninanana soratononina : Soratonon'2010

2010-08-25T23:10:00.006+02:00

Ry Namana,

Iray volana sisa dia ho tonga indray ilay fotoana hihaonantsika amin’ny fifaninanana soratononina .

Ny fotoana dia ny Asabotsy 25 septambra 2010 amin’ny roa ora tolakandro ka hatramin’ny dimy ora hariva ao amin’ny Faculté de Chirurgie dentaire - 1 rue Maurice Arnoux - 92120 Montrouge.

Sokajy roa no hifaninanana amin’io andro io :

Sokajy voalohany : Miteny, mamaky ary miteny Malagasy tsotra

Sokajy faharoa :Nianatra na mianatra ny teny Malagasy toy ny teny vahiny.

Loka maro no hozaraina ho an’ireo kalaza laharana voalohany, faharoa ary koa fahatelo isan-tsokajy.

Aza misalasala ary misoratra anarana eto : http://tinyurl.com/29gza6f

Ny fandraisana anjara amin’ny hofan-trano sy ny kojakoja isan-karazany dia 6 euros.

Manentana anareo rehetra naman' I KOLO hanaparitaka sy hampirisika ireo namana hafa handray anajara amin'ity faha-8 taonan'ny fifaninanana soratononina ity.

Misaotra tompoko amin'ny fiaraha-miasa.

Fikambanana KOLO

Chèr(e)s Ami(e)s,

Dans un mois, le 25 septembre de 14h00 à 17h00 en Amphithéâtre de la Faculté de Chirurgie Dentaire - 1 rue Maurice Arnoux - 92120 Montrouge aura lieu notre rendez-vous annuel de l’épreuve de dictée Malagasy : Soratonon’2010.

L'épreuve comporte deux catégories :

Catégorie 1: Pratique courante de la langue Malgache

Catégorie 2 : Débutant ou moyen

De nombreux prix seront distribués aux heureux lauréats du 1er, 2ème et 3ème rang de chaque catégorie.

Inscription sur le site : http://tinyurl.com/29gza6f

PAF = 6 euros.

Nous vous sollicitons, ami(e)s de KOLO, de diffuser auprès de vos amies et de les convaincre à participer à cette 8ème Edition de la dictée Malagasy.

Nous vous remercions de votre collaboration.

Association KOLO.

NY MAHA MALAGASY (Lahatsoratra fifaninanana soratononina Nantes 2010)

2010-07-14T16:33:00.002+02:00

Malagasy aho, Malagasy ianao, Malagasy izy. Malagasy no iantsoan'ny olona antsika. Satria ve samy zanaky ny Nosy Madagasikara isika ?

Raha vao maheno ny hoe Malagasy dia maro ny zavatra tonga ao antsaina :

Ny tontolo iainan'ny Malagasy, toy ny zava-maniry sy ireo biby izay tsy misy any amin’ny toeran-kafa.

Ny kolontsaina malagasy, ny taozavatra, ny zavakanto toy ny gadonkira, ny dihy, ny hosodoko iangalian’ireo mpanankato tsy mahalatsadanja antsika eo amin’ny sehatra iraisam-pirenena.

Ny vakoka, ny fomba fitafy, ny hanin-kohanina dia ny vary izany. Ny taotrano isam-paritra izay maneho ny fomba fonenan'ny Malagasy: Tranogasy sy ny sisa.

Tsy ny zavatra hita maso ihany anefa no mampiavaka ny Malagasy fa indrindra ny fisainana amam-panahy sy ny fomba enti-miaina : Ny fahendrena sy ny fihavanana no voalohany manentana ny fon'ny Malagasy, soatoavina miainga avy amin’ilay filozofia malagasy lalina

dia lalina hoe : « Ny Fanahy no Olona ».

Hoy izy hoe : « Aleo very tsikalakalam-bola toy izay very tsikalakalam-pihavanana ». « Ataovy toy ny fihavana-molotra sy tanana, raha maharary ny molotra manafosafo ny tanana, raha may

ny tanana mitsoka ny vava ».

Amin'ny Malagasy dia iray ain-drazana izy ka tsy azo sarahina. Tapaka ny tohiaina raha tapaka ny maha iray azy. Ny fahendrena malagasy dia ny fiarovana io tohiaina io, izay iraisan'ny Malagasy rehetra.

Tsapa fa ny fitambarana amin'ny alalan'ny tohiaina iray sy ny fahendrena no anisan'ny fototra ijoron'ny maha Malagasy.

Ny Teny, izay tambatra iraisan'ny Malagasy dia marika lehibe ijoroan’ny firenena, izay anehoany ny maha izy sy ny maha izay azy. Hoy ilay masoivohon’i Eoropa tany Madagasikara tamin’ny

fankalazana ny andron’i Eoropa tamin'ny taona 2008 hoe : « Tiako homarihina fa mahafinaritra ery ny mandre ny Teny malagasy.

Manintona anay ny fiteninareo satria mirakitra ny kolontsaina, sy ny tantaran’ ny firenena malagasy. Tombontsoa ho anareo ny fananana azy satria mampiray anareo ka ahafahanareo mifanerasera sy mifanakalo hevitra ».

Fa tambatra iraisan’ny Malagasy indrindra koa ny finoana ny Zanahary sy ny Razana izay noheveriny fa nahary sy mitahy antsika. « Aza ny lohasaha mangina no jerena fa Andriamanitra an-tampon’ny loha » sy ny hoe : « Tonga tsy nampoizina toa nasesiky ny Razana ».

Raha fintinina, ny maha Malagasy dia : firaisana aina, fahendrena, tambatra amin’ny fomba amam-panao, amin’ny teny, amin’ny finoana ary ny fiaraha-monina.

Koa mijoroa Ramalagasy hitahiry sy hanandratra avo ireo fototry ny Soatoavina izay lova napetraky ny razantsika.

KOLO Jiona 2010

Fampianarana mikabary

2010-04-06T12:51:00.004+02:00

Noho ny fandalovan-dRtoa Hajaina ANDRIANASOLO eto Frantsa
(Talen’ny fampianarana sy fikarohana
mikabary any Madagasikara)
dia hisy

FAMPIANARANA MIKABARY
6 aprily – 17 aprily 2010
isan’andro ao amin’ny « FOYER MALAGASY CACHAN »
amin’ny 7ora ½ (17h30) - 9 ora (21h00)

Tongava maro !

Soratononina RNS-2010 (Montpellier, 03/04/2010)

2010-04-03T21:09:00.004+02:00

Ireo nahazo ny loka tamin'ny Soratononina RNS-2010 (Montpellier, 03/04/2010) :

1 - RANDRIAMAVO Solo Hasiniaina
2 - RAHERINAIVO Anjatiana
3 - RAMAROSON Haja
4 - ANDRIAMAROKOTO Guidéon
4 - RADISON Andomalala

Lahatsoratra Soratononina RNS-2010 (Montpellier, 03/04/2010)

2010-04-03T20:42:00.003+02:00

Ambohipihaonana

Raha tanàna ny RNS dia nety azo nantsoina hoe Ambohipihaonana. Dimy amby telopolo taona izay no niherina ity fotoan-dehibe fifanenan’ny Malagasy liana amin’ny fanatanjahan-tena ity. Nivelatra tamin’ny fampiroboroboana sy ny fanehoana ny maha-Malagasy kosa izany taty aoriana : hita eo ny sehatra samihafa toy ny taozavatra, kolon-tsaina, haisoratra, dihy, lamako sy korana. Tsy tokony hohadinoina fa fifanatonan’ny mpianakavy sy ny mpinamana ihany koa io vanin’andro io.

Ny maha-samy hafa azy amin’ny fifaninanana ara-panatanjahan-tena tsotra kosa anefa dia ny fivohiran’ny Fihavanana malagasy izay mitamby fahendrena, tsiahivin’ilay teny filamatra hoe : « Firahalahiana vao fifaninanana ». Adin’ny mpirahalahy : « Ny resy tsy akoraina, ny mandresy tsy hobina ». Izany rahateo no nahateraka an’« Ambohipihaonana » RNS, tamin’ny taona dimy amby fitopolo sy sivinjato sy arivo, rehefa tapaky ny filan-kevitry ny Fikambanan’ny Mpianatra Malagasy Fiaviana (AEOM).

Ny RNS dia mampiseho koa ho fanabeazana, mihoatra noho ny lalao, ny soatoavin’ny fiaraha-monina : firaisan-kina, fifaneraserana, fifankatiavana, fifanajana, fifanohanan’ireo tarika mpanao fanatanjahan-tena sy fikambanana isan-karazany.

Raisintsika, ohatra, ny taranja Moraingy, izay mbola tazonin’ny faritra maro any Madagasikara. Na dia mifamaly daka sy totohondry aza ny mpilalao, hodidinin’ny mpiray tanàna amin’ny tehaka sy ny hira,dia tsy mampisaraka azy ireo izany fa mainka manamafy ny firahalahiany.

Ho famaranana dia tombon-tsoa azo avy amin’ny fanatanjahan-tena ny fahasalamana : « Ao anatin’ny vatana tomady no isian’ny saina matsilo ».

© Martsa 2010 / KOLO & Havatsa-UPEM sampana Frantsa.

Inona ny zaraasa sy ny toeran'ny fanatanjahantena amin'ny fanabeazana ara-sosialy sy ara-kolontsaina ?

2010-03-05T21:34:00.008+01:00

Apetrao ny hevitrao e!

Miarahaba tratry ny fety

2009-12-27T21:13:00.003+01:00

Hitondra fanantenana ary koa hameno fitiavana ho an-tsika tsirairay sy ny ankohonan-tsika anie ny Noely 2009.

Nisy ny zava-tsarotra, teo koa ny fahoriana izay nosedraina tamin'ity taona 2009 ity. Mandroso amin'ny taona vaovao 2010 isika, ny firariana dia zava-tsoa maro an'isa , fahasalamana, hery ho enti-miasa ary koa aingam-panahy hampiroboroboana ny kolontsaina Malagasy.

Ny firahalahiana izay misy eo anivon'ny fikambanana Kolo dia irina koa hitohy hatrany.

Irina koa ny filaminana, firahalahiana ary fifankatiavana eo anivon’ny Malagasy, izay fototry ny fiaraha-monina.

Manaova fety finaritra daholo!

************************

Que Noël 2009 vous apportera ainsi qu’à vos proches pleins d’amour et d’espérance.

Les moments difficiles, les épreuves douloureuses, nous souhaitons que 2009 les emportera avec lui et nos voeux pour 2010 seront : santé, réussite, dynamisme et idées neuves pour la promotion de la culture malgache.

Que le lien fraternel existant au sein de l’association Kolo perdure !

Que la fraternité règne aussi chez le peuple malgache, cette fraternité ciment de la paix et de l’union !

Joyeuses fêtes à tous !

Association KOLO

Mamy ANDRIANARIVONY

Antsa ho fahatsiarovana ny namana Jarisoa Rakotoarivelo nosoratan' i F-X Mahah

2009-11-07T19:12:00.002+01:00

ANTSA

Ho fahatsiarovana ny namana
Jarisoa Rakotoarivelo

Hatreto no hiandrasana
ny hiram-pisarahana nandresy fo torovana.
Narindrina ny fasana
Fa vatana no ao hisedra fahalovana

Ny rindran’ny veloma namelovelo injao
toa tsanta nikoriana
Nentina namoy ilay tiana izay nandao
ny kianjam-pahoriana,

Hivalona any ho any.
Ny vitany rehetra hijoro ho vatolahy
Ka ho tsaroana hatrany
Isaky ny tonga ny embona am-panahy.

Ny Teny noandrininy
Mbola hitanisa ny rehetra nisasarany
Ny adidy nosahaniny
Any hiantsoantso ny hamin(1)’ny anarany

Ny hira fiderana hitsahatra eto angamba
Toa sentom-po mahory
Kanefa tsy ho foana tsy ho entin-drambaramba(2)
Ho levona tsy akory

Fa ao ny tany maminy hivetso ny tantarany
toa lova soa sy tsara
fa ny heriny rehetra ny andry nifaharany
Dia i Madagasikara.

F-X Mahah
Dublin-Bagneux
20/09-9/10/2009

(1) Hamy : mamy, hamamiana.
(2) Rambaramba : karazan-tsarety itondrana vatom-pasana,
tsy misy kodiarana fa tarihina amin’izao monja ihany.

Ireo nahazo ny loka tamin'ny Soratonon'2009

2009-10-25T00:12:00.004+02:00

Sokajy 1 : Miteny, mamaky ary manoratra ny teny Malagasy tsotra

Loka voalohany : Bakoly RAKOTONIRINA
Loka faharoa : Stéphanie RATSIMBA
Loka fahatelo : Tiana RABEJAOFERA
Loka fahefatra : Thierry ANDRONIC sy Jean-Luc RATOANINA

Sokajy 2 : Nianatra na mianatra ny teny Malagasy toy ny teny vahiny

Loka voalohany : Harisoa RAZAFINDRANAIVO
Loka faharoa : Bakoly RAMAMBAZAFY-RALAINONY
Loka fahatelo : Mbolanoro ANDRIANARIJAONA
Loka fahefatra : Murielle RANAIVOARIMANANA

Misaotra an'ireo nanome loka tamin'i Soratonon'2009

-Rtao Pr Irène RABENORO (Ambasadaoro Malagasy eo anivon'ny UNESCO)

-Atoa J A RAVELONA (Mpanao hosodoko, Filoham-boninahitra ny fikambanana KOLO)

-HAZAVANA (Mpanao hosodoko)

-Makassar Tours

-SCOPUX (Cabinet de conseil en technologie de l'information

-Laterit Production

-Restaurant AS de Madagascar

-Kanto sy Soa (Soie et broderie de Madagascar)

-Cap de Madagascar

-Restaurant Les Lémuriens

-TezaBoky

-Fianakavian'i NIRHY-LANTO

-Atoa François Xavier RAZAFIMATRATRA

-Rtao Bodonirina ANDRIATSIVELANA

-Beetnic.com

Ary koa ireo tranokala Malagasy samihafa nanampy tamin'ny serasera:

www.radiovazogasy.com

www.madatsara.com

www.madaplus.fr

http://serasera.org/

http://ohabolana.org/

http://vetso.serasera.org /

www.sobika.com

http://www.midi-madagasikara.mg/

...

Tonga ity ny fihaonan-tsika amin'ny teny Malagasy

2009-10-24T09:20:00.003+02:00

Tenin-drazana

Raha mbola ao ianao

Ka manana ny hasinao

Ary ho teneninay ...

Ry teninay, tsy foana ' zahay!

Teny andrandraina Ianoa

Amin'izao tontolo izao.

Tsy firy no fiteny ambara

Ho tahaka anao ka manan-jara.

Teny endrikay tokoa,

Mamy imolotra sy am-po,

Mahalaza ny holazaina.

Efa folaky ny Razana

Ho tena teny ahombiazana,

Teny tena manana aina ...

DOX

Mampahery ny mpifaninanana rehetra!

Eto ampanomanana ny loka maro sy mavesa-danja, fa ataovy lehibe ny kitapo hitondrana azy!

KOLO

J-1 Fifaninanana sora-tononina

2009-10-22T23:04:00.003+02:00

Andro iray sisa dia higadona ny fotoan-dehibe hihaonan-tsika amin’ny fifaninanana sora-tonina 2009.

Ny Ekipa Soratonon’2009® dia miomana sy mikarakara ny fandraisana anareo mba halafatra ny tolakandro.

Ankafaliana no handraisanay anareo, monomboka amin’ny 2 ora latsaka fahefany ao amin’ny ’Amphithéâtre Pierre DARGENT- Faculté de chirurgie dentaire – 1 rue Maurice Arnoux – 92120 Montrouge. Jereo eto ny toerana

Tandremo fa ny sora-tononina dia manomboka amin’ny 2 ora sy sasany tsy diso.

Mankahery ny mpifaninana rehetra

Mandra-pihaona

KOLO – Ekipa Soratonon’2009®

Raha mila fanazavana fanampiny : kolomalagasy@gmail.com

Loka Soratonon'2009

2009-10-18T10:16:00.007+02:00

Loka hozaraina ho an'ny laharana voalohany, faharoa ary fahatelo amin'ny sokajy 1 sy faha-2 :

Loka atolotry ny Ambasadaoro Malagasy eo anivon'ny UNESCO - Pr Irène RABENORO
Hosodoko atolotr'i J. A. RAVELONA
Hosodoko atolotr'i HAZAVANA
Pc netbook AZUS atolotry ny orin'asa SCOPUX
Loka atolotry ny orin'asa Makassar Tours
Loka atolotry ny orin'asa Laterit Production
Loka atolotry ny orin'asa Kanto sy Soa
Loka atolotr'i Echo du Capricorne
Loka atolotry ny Restaurant AS de Madagascar
Loka atolotry ny Restaurant Les Lémuriens
Loka atolotry ny orin'asa Cap de Madagascar
Lota atolotr'i Fx Mahah (poety sy mpanoratra)
Loka atolotr'i Rtoa Solon-tiana NIRHY-LANTO (mpampianatra)
Loka atolotry ny Edisaonina TezaBoky
Loka atolotr'i Bodo Georges ANDRIATSIVELANA
Loka atolotry ny fikambanana KOLO
...

Fisaorana lehibe no atolotray mpikarakara ny sora-tononina 2009 ho an'ireo nonome loka ho an'ity hetsika kolontsaina ity.

Fampatsiahivana amin'ny fitsarana ny sora-tononina : ny tsipelina dia ny Rakibolana nosoratan-DRajemisa Raolison hatrany no arahina.

KOLO

Lohahevitry ny soratonon'2009 : Fihavanana

2009-09-27T22:39:00.000+02:00

"Ny fihavanana ohatra ny landy: maty isika, ifonosana; velona itafiana; ka ny madilana arahim-panondro."

Lazao ny hevitrao momba an'io ohabolana io.

Fifaninanana sora-tononina 2009

2009-09-23T19:28:00.007+02:00

Ny Asabotsy faha-24 oktobra 2009 amin'ny 2 ora sy sasany indray no fotoanantsika amin'ny Sora-tononina.

Ao amin'ny

Amphithéâtre Pierre DARGENT
Faculté de chirurgie dentaire
1, rue Maurice Arnoux
92 120 Montrouge

Sokajy roa no hifaninanana :

Sokajy 1 : Miteny, mamaky ary manoratra ny teny Malagasy tsotra
Sokajy 2 : Nianatra na mianatra ny teny Malagasy toy ny teny vahiny

Fandraisana anjara : 5 euros.
Fisoratana anarana : kolomalagasy@gmail.com

Fotoana hamangiana ny fianakavian' Itompokolahy Jarisoa RAKOTOARIVELO

2009-08-16T17:50:00.000+02:00

Ny fianakavian'Itompokolahy Jarisoa dia manokana fotoana roa mba hafahan'ny namana sy tapaka maneho ny fiarahamiory :

- Ny alahady faha-23 aogositra 2009 aorinan'ny fitaom-pivavahana amin'ny 10 ora maraina

- Na ny asabotsy faha-5 septambra 2009 aorian'ny fitaom-pivavahana fahatsiarovan' Itompokolahy Jarisoa amin'ny 10 ora maraina

Ao amin'ny fiangonana FPMA Paris:
16, rue Chauchat
75009 PARIS
Métro : Richeleu-Drouot (M8 / M9)

Misaotra Tompoko!

2009-08-07T17:50:00.000+02:00

Ny fikambanana KOLO sy ny fianakaviana dia maneho fisaorana lehibe tamin’ny fanotronana sy ny teny fampionanana nataonareo tamin’ny fotoana nisarahana tamin’i Jarisoa Rakotoarivelo.

Tsara levenana ny maty, tompoko, ary heni-kaja amam-boninahitra ny velona !

Ho an’ireo izay maniry hitondra ny teny fampiononana ho an’ny vady aman-janany izay dia hisy ny fotoana voatokana ho an’izany. Ny daty sy ny toerana dia ho lazaina amin’ny ho avy.

Hisaoranay manokana koa ireo izay nametraka ny torapony tao amin’ny takelaka « Veloma Jarisoa » ho fahatsiarovana ny namantsika tamin’ny fahalalany ny kolontsaina Malagasy sy ny ezaka vitany teo anivon’ny fikambanana KOLO mba hampiroborobona ny teny Malagasy.

Ny soritr’asa izay napetrany dia ezahan-tsika tohizana hatrany hatrany : anisan’izany ny fanatontosana ny fifaninanana sora-tononina 2009.

« Soratonon’2009 » dia hatao amin’ny faha-24 oktobra 2009 izao. Marihana fa io daty io dia voafidy niaraka tamin’i Jarisoa talohan’ny nahalasanany.

KOLO

Mamy Andrianarivony

Veloma JARISOA !

2009-07-16T00:47:00.007+02:00

Ry namana sy tapaka,

Amin'ny alahelo lehibe no hilazana amin-tsika fa nodimandry omaly alarobia 15 jolay 2009 ny namantsika Jarisoa RAKOTOARIVELO.
Very olomanga ny fikambanana KOLO ary koa ireo mpankafy ny teny Malagasy, kamboty ny hetsika "Soratononina":

Afaka maneho fiaraha-miombona alahelo aminay na koa teny fahatsiarovana an'i Jarisoa ianareo eto amin'ity pejy ity.

Ho an'i Fikambanana KOLO,
Mamy ANDRIANARIVONY

Chers amis,

C'est avec une profonde tristesse que nous vous faisons part du décès de Jarisoa RAKOTOARIVELO, survenu brusquement le mercredi 15 juillet 2009 à Antananarivo.
Jarisoa était le président de l'association KOLO. "Soratononina" fait partie de ses nombreuses oeuvres pour la promotion de la langue et de la culture Malagasy.
Nous avons perdu non seulement un ami, un très cher ami mais aussi une personnalité et un grand amoureux fidèle de la culture Malagasy.

Pour l'association,
Mamy ANDRIANARIVONY

Cette page est dédiée en sa mémoire : nous vous invitons à la remplir.
Merci

Lohahevitry ny soratonon'2008 : Landy Malagasy, kolontsaina sy harena

2008-03-01T18:17:00.012+01:00

Any Madagasikara dia efa fantatra taloha ny Landibe (Borocera madagascariensis) mba hamonosana ny maty.

Ireo eoropeana voalohany izay tonga tany tamin'ny taonjato faha-XIV (Hourtman, 1545) dia vaky vava nahita ny hatsaran-tarehin'ny lamba notafian'ny tompontany. Tsikaritr'izy ireo koa ny fanenomana isan-tokantrano sy ireo lamba nandravaka ny rindrina.

Vao tamin'ny taonjato faha-XIX no nampidiran-dRanavalona Voalohany ny landivazaha na landikely. Raha ny tena marina dia Jean Laborde no nasainy nitondra ny voaroihazo sy ny bibin-dandy (Bombyx mori).

Radama Voalohany anefa no tena nampandroso ny landy tamin'ireo toerana rehetra efa nanirian'ny voaroy dia (Morus madagascariensis). Arivonimamo, Sambaina, Ambatolampy sy Ankaratra dia samy faritra nasainy namokatra landy ary nitariny hatrany amin'ny Menabe sy Betsileo.

Rehefa tonga ny fanjanahan-tany dia mboly nitohy ihany ny fampandrosoana ny fampandrosoana ny landy ka nahatratra 400 taonina tamin'ny taona 1919.

Tato aoriana anefa dia tsy nahatohitra ireo landy sinoa sy ny kofehy tsy voajanahary ny landy malagasy ka ny lambamena famonosana ny maty sisa tavela.

Tato ho ato anefa dia novelomina indray ny landy malagasy ary miroborobo tokoa.

Koa anjarantsika no mampahafantatra azy fa tena harem-bakoka malagasy tokoa izy.

Fifaninanana sora-tononina : Soratonon'2008

2008-02-10T16:20:00.002+01:00

Ny Asabotsy faha-5 aprily 2008 amin'ny 3 ora indray no fotoanantsika amin'ny Sora-tononina.

Ao amin'ny Espace Madeleine Delbrel, 18 rue de la Tombe Issoire 75014 . Métro Glacière.

Amin'ny 3 ora tsy diso ny sora-tononina, amin'ny 5 ora sy sasany ny fizaran-doka.

Fikambanana Kolo

kolomalagasy@gmail.com

06.31.24.90.08